ບໍລິສັດ ລາວ ອາຊຽນ ເຊົ່າສິນເຊື່ອ ສ້າງຕັ້ງຂຶ້ນ ແລະ ໄດ້ຮັບໃບອະນຸຍາດດໍາເນີນທຸລະກິດຢ່າງເປັນທາງການໃນ ວັນທີ 12 ກຸມພາ 2015 ໂດຍມີຜູ້ຖືຮຸ້ນຄື: ບໍລິສັດ ບີພີເອທ໌ດີ ຈຳກັດ, ທ່ານ ສົມສຸກ ພິມພະຈັນ ແລະ ບໍລິສັດ ໂອກິຊາກະ ຈໍາກັດ. ຈາກນັ້ນບໍລິສັດໄດ້ດຳເນີນງານ ແລະ ເຄື່ອນໄຫວວຽກງານພາຍໃຕ້ການຄຸ້ມຄອງຂອງທະນາຄານແຫ່ງ ສປປ ລາວ. ຈົນມາຮອດວັນທີ 16 ສິງຫາ 2019 ໄດ້ຫັນປ່ຽນເປັນບໍລິສັດ ມະຫາຊົນ ດ້ວຍທຶນຈົດທະບຽນ 24.120.000.000 ກີບ.

ພວກເຮົາໄດ້ແກ້ໄຂບັນຫາດ້ານການເງິນຂອງລູກຄ້າທີ່ມາໃຊ້ບໍລິການຫຼາຍກວ່າ 10.000 ຄົນ ແລະ ເພື່ອອຳນວຍຄວາມສະດວກການເຂົ້າຫາແຫຼ່ງທຶນໃຫ້ລູກຄ້າ, ບໍລິສັດໄດ້ມຸ່ງໝັ້ນພັດທະນາການບໍລິການໃຫ້ດີຂຶ້ນເລື່ອຍໆຈົນກາຍເປັນໜຶ່ງໃນບໍລິສັດເຊົ່າສິນເຊື່ອທີ່ໃຫຍ່ທີ່ສຸດໃນປະເທດລາວ ໂດຍມີສາຂາຄວບຄຸມເຖິງ 14 ແຂວງທົ່ວປະເທດລາວ.

ວັນທີ 1 ກັນຍາ 2021 ໃນຕະຫຼາດຫຼັກຊັບລາວ ບໍລິສັດ ລາວອາຊຽນເຊົ່າສິນເຊື່ອ ມະຫາຊົນມີມູນຄ່າ (market cap) ຢູ່ທີ່ 1.22 ລ້ານລ້ານກີບ. ໃນວັນທີ 16 ສິງຫາ 2022 ພວກເຮົາປະກາດຈ່າຍເງິນປັນຜົນລວມມູນຄ່າ 570.027.606.419 ກີບ ລາຄາຮຸ້ນເພິ່ມຂຶ້ນ 22,22%. ຫຼັງຈາກບໍລິສັດ ລາວອາຊຽນເຊົ່າສິນເຊື່ອ ມະຫາຊົນ ມີການປະກາດຈ່າຍເງິນປັນຜົນຄັ້ງທຳອິດ ແລະ ປະກາດຜົນການດຳເນີນງານຂອງໄຕມາດທີສອງອອກມາດີເກີນຄາດ ເຮັດໃຫ້ລາຄາຮຸ້ນຂອງບໍລິສັດເພີ່ມຂຶ້ນເຖີງ 400% ພາຍໃນເວລາ 2 ເດືອນ ຈາກລາຄາ 2.700 ກີບ/ຮຸ້ນ ຈົນປະຈຸບັນຄື 13.500 ກີບ/ຮຸ້ນ.

ບໍລິສັດຂອງພວກເຮົາໄດ້ເຫັນຄວາມສຳຄັນໃນການພັດທະນາບຸກຄະລາກອນ ທີ່ເປັນກະດູກສັນຫຼັງຂອງຊາດ ຈຶ່ງເຮັດໃຫ້ໃນ ວັນທີ 14 ຕຸລາ 2022 ຊຶ່ງກົງກັບມື້ພິທີສະເຫຼີມສະຫຼອງວັນຄູແຫ່ງຊາດ 7 ຕຸລາ ຄົບຮອບ 28 ປີ ບໍລິສັດ ລາວອາຊຽນ ເຊົ່າສິນເຊື່ອ ມະຫາຊົນໄດ້ມອບທຶນການສຶກສາຈຳນວນ 12.000$ ໃຫ້ແກ່ນັກສຶກສາຢູ່ສະຖາບັນການທະນາຄານທີ່ມີຜົນການຮຽນດີ ຕາມມາດຖານຫຼັກສູດການ ຮຽນ-ການສອນ ຂອງສະຖາບັນການທະນາຄານ. ໃນວັນທີ 21 ຕຸລາ 2022 ຍັງໄດ້ມອບທຶນການສຶກສາຈຳນວນ 3.000$ ໃຫ້ແກ່ສະຖາບັນ ເຕັກໂນໂລຊີ ສຸດສະກະ ວິທະຍາເຂດໂພນພະເນົາ ສຳລັບນັກສຶກສາທີ່ມີຜົນການຮຽນດີ ເພື່ອສົ່ງເສີມລະບົບການສຶກສາໃຫ້ດີຂຶ້ນ ແລະ ເພື່ອເປັນສ່ວນໜຶ່ງທີ່ຊ່ວຍຊຸກຍູ້ສົ່ງເສີມວຽກງານການພັດທະນາການສຶກສາ ກໍຄືການພັດທະນາຊັບພະຍາກອນມະນຸດ.

ໃນປີ 2021 ບໍລິສັດ ລາວອາຊຽນເຊົ່າສິນເຊື່ອ ຈຳກັດ ມະຫາຊົນ ໄດ້ຮັບລາງວັນ The Next 100 Global Awards 2021 – NBFI ເຊິ່ງເປັນລາງວັນທີ່ຈະມອບໃຫ້ເພື່ອຍ້ອງຍໍບໍລິສັດທົ່ວໂລກທີ່ມີຄວາມສ້າງສັນ, ມີກົນລະຍຸດຄວາມສຳເລັດ, ຄວາມທຸ່ມເທ ແລະ ຄວາມເປັນຜູ້ນຳໃນການພັດທະນາເພື່ອສົ່ງມອບຜະລິດຕະພັນຕາມລູກຄ້າຕ້ອງການ ແລະ ຜົນໄດ້ຮັບທີ່ລູກຄ້າເພິ່ງພໍໃຈເຊີ່ງເປັນສ່ວນໜື່ງໃນການກະຕຸ້ນອຸດສະຫະກຳໃຫ້ດີຂຶ້ນ.